IIV Akademiyasi kunduzgi taʼlim 1-oʻquv kursi kursantlari uchun IIV Oʻquv-dala markazida koʻp yillik mehnat faoliyati bilan tizim ravnagʻiga hissa qoʻshgan va ustozlik maqomiga erishgan bir guruh faxriylar ishtirokida “Uch avlod uchrashuvi” tashkil etildi.

Tadbirda IIV faxriylar kengashi aʼzolari isteʼfodagi polkovniklar Avaz Azizxoʻjayev, Oʻtkir Axmedov va isteʼfodagi podpolkovnik Ibroxim Doʻltayevlar kursantlarga ichki ishlar organlarida xizmat qilishning masʼuliyatli va sharafli jihatlarini aytib oʻtishdi.

Muloqot davomida faxriylar kursantlarga zarur maslahatlar berishdi. Taʼlim muassasasida “ustoz-shogird” anʼanalarining samarali yoʻlga qoʻyilgani, bilim olish, ilm bilan shugʻullanish, kelgusida yetuk malakali mutaxassis kadr boʻlish uchun yaratilgan keng imkoniyatlarda unumli foydalanish kerakligini taʼkidlandi.

Tadbir davomida vazirlikning Yoshlar bilan ishlash boʻlimi xodimlari ham kursantlar bilan muloqot qilib, tizimda yoshlarga yaratib berilayotgan keng koʻlamli imkoniyatlar toʻgʻrisida tushunchalar berildi.

IIV Akademiyasi Axborot xizmati