Toshkentda MMA boʻyicha Osiyo chempionatining tantanali ochilish marosimi boʻlib oʻtdi
2026-05-23 10:00:00 / Yangiliklar
Yurtimiz sportchilari yakkakurash turlarida har qanday musobaqada yuqori natijalarni qayd etib kelishgan.
Bu natijalar aralash jang sanʼatlarida ham namoyon boʻlmoqda. Nufuzli musobaqalarni mamlakatimizda oʻtkazish borasida esa katta amaliy tajribalarga erishilmoqda.
Ayni vaqt qitʼaning eng yirik sport tadbirlaridan biri MMA (AMMA) boʻyicha navbatdagi Osiyo chempionati Toshkentda boʻlib oʻtmoqda.
Ushbu turnirda, qitʼamizning 23 davlatidan kelgan sportchilar oʻzaro baxs olib boradi.
Musobaqaning tantanali ochilish marosimida sport vazirligi va milliy olimpiya qoʻmitasi rahbariyati, xorijiy mehmonlar hamda sport jamoatchiligi ishtirok etdi.
Unda Osiyo MMA assosatsiyasi prezidenti Gordon Tang, Oʻzbekiston aralash jang sanʼatlari prezidenti Aziz Tashpulatov soʻzga chiqib, qatnashchilarga omad tilashdi.
Sport doʻstlik va hamjihatlikni tarannum etuvchi, oʻzaro hamkorlik munosabatlarini mustahkamlovchi rishtaligi, Osiyoda MMAni rivojlantirish bugungi kabi musobaqalarda sportchilarning yuqori saviyadagi ishtiroki bilan bogʻliq ekanligi eʼtirof etildi.
Qayd etish lozimki, ushbu chempionat Yaponiyaning Aichi–Nagoya shahrida boʻlib oʻtadigan Osiyo oʻyinlari uchun 4-bosqich — hal qiluvchi saralash turniri hisoblanadi. Gʻolib va sovrindorlar Saudi Arabistonidagi Osiyo oʻyinlarida ishtirok etish huquqini qoʻlga kiritadilar.
Chempionatda Oʻzbekiston 50 nafar sportchidan iborat milliy terma jamoa bilan ishtirok etmoqda. Ular turli yosh toifalari va vazn kategoriyalarida yurtimiz sharafini himoya qilmoqda.
Ishonamizki, sportchilarimiz yuqori natijalarni qayd etib yurtimiz bayrogʻini baland koʻtarishadi.