Sirdaryo viloyati IIB boshligʻining navbatdagi shaxsiy qabulida jismoniy va yuridik shaxslarning murojaatlari qabul qilindi
2024-07-14 03:35:00 / Yangiliklar
Sirdaryo viloyati Ichki ishlar boshqarmasi boshligʻi polkovnik Sandjar Djabarov, tasdiqlangan grafik asosida Ichki ishlar boshqarmasida jismoniy va yuridik shaxslarning murojaatlarini qabul qildi. Boʻlib oʻtgan qabulda, Ichki ishlar organlariga oid turli xil masalalardagi jami 15 nafar jismoniy shaxslar va ularning vakillarini murojaatlari Sirdaryo viloyati Ichki ishlar boshqarmasining tegishli boshqarma va xizmat rahbarlari ishtirokida koʻrib chiqildi. Fuqarolar tomonidan bildirilayotgan murojaatlar joyida masʼullarga yoʻnaltirilib, ijrosi nazoratga olindi. Vaqt talab qilinadigan murojaatlarni muddatida hal etish boʻyicha boshqarma boshligʻi tomonidan muddat va topshiriqlar berildi.
Sirdaryo viloyati IIB Axborot xizmati