Surxondaryoda viloyat IIB Jamoat xavfsizligi xizmati Huquqbuzarliklar profilaktikasi boshqarmasi tomonidan o‘quv seminari tashkil etildi
2024-07-11 10:00:00 / Yangiliklar
Milliy gvardiya Surxondaryo viloyati bo‘yicha boshqarmasida O‘zbekiston Respublikasi Prezidentining 2024 yil 5 fevral kunidagi «Voyaga yetmaganlar o‘rtasida qonunbuzarliklar profilaktikasi tizimini takomillashtirish bo‘yicha qo‘shimcha chora-tadbirlar to‘g‘risida»gi qarori ijrosini taʼminlash maqsadida seminar o‘tkazildi.
Seminarda viloyat IIB Jamoat xavfsizligi xizmati Huquqbuzarliklar profilaktikasi boshqarmasi boshlig‘i podpolkovnik A.Xudoyberdiyev viloyat IIB Jamoat xavfsizligi xizmati Huquqbuzarliklar profilaktikasi boshqarmasi shahar –tuman Voyaga yetmaganlar va Yoshlar bilan ishlashni tashkil etish guruhi katta inspektorlari, Milliy gvardiya tasarrufidagi voyaga yetmaganlar masalalari bo‘yicha inspektor psixologlar, O‘zbekiston Respublikasi Yoshlar ishlari agentligi va Mahallalar uyushmasi masʼul xodimlari ishtirok etdi.
Viloyat IIB Jamoat xavfsizligi xizmati Huquqbuzarliklar profilaktikasi boshqarmasi boshlig‘i bugungi kunda dolzarb masalalardan biri bo‘lib kelayotgan voyaga yetmaganlar huquqbuzarligi va jinoyatchiligining oldini olish, “Oila-mahalla-maktab” uzviy tizimi asosida voyaga yetmaganlar bilan manzilli ishlashni yo‘lga qo‘yish kerakligi va boshqa bir qator mavzuga aloqador vazifalarni taʼkidlab o‘tdi.
Surxondaryo viloyati IIB Axborot xizmati