Samarqand viloyati IIB boshligʻi tomonidan bir guruh IIB xodimlarining farzandlariga oliy taʼlim muassasalariga kirish uchun imtiyozli tavsiyanomalar topshirildi
2024-06-15 10:25:00 / Yangiliklar
Samarqand viloyati IIB boshligʻi Rahmat Mamatov tomonidan bir guruh IIB xodimlarining farzandlariga oliy taʼlim muassasalariga kirish uchun imtiyozli tavsiyanomalar topshirildi.
Oʻzbekiston Respublikasi Prezidentining 2019-yil 26-fevraldagi “Ichki ishlar organlari xodimlari va ularning oila aʼzolarini ijtimoiy himoya qilishni yanada kuchaytirish chora-tadbirlari toʻgʻrisida”gi Qaroriga asosan, ichki ishlar organlarida huquqbuzarlik va jinoyatchilikka qarshi kurashish uchun munosib hissa qoʻshgan, xizmat yoki ilmiy faoliyatida yuqori natijalarga erishgan Samarqand viloyati ichki ishlar organlari xodimlarining farzandlariga taʼlim muassasalariga oʻqishga kirish uchun tavsiyanomalar berildi.
Tavsiyanomani qoʻlga kiritgan xodimlar va ularning farzandlarini Samarqand viloyati IIB boshligʻi polkovnik Raxmat Mamatov samimiy muborakbod etib, kelgusi oʻqish va ishlarida omadlar tiladi. Tavsiyanomani qoʻlga kiritgan yoshlarning quvonchi cheksiz.
Hukumatimiz tomonidan ichki ishlar organlari xodimlariga yaratib berilayotgan shart-sharoitlarga javoban har bir xodim doimiy ravishda oʻz ustida ishlab, zimmasiga yuklatilgan vazifalarni vijdonan bajarishi, oʻzini Vatan taqdiriga daxldor deb bilib, xalqimizning tinch va osoyishta hayotini taʼminlash yoʻlida bor bilim va tajribasini safarbar etishi talab etiladi.
Tadbir asnosida ana shu kabi tuygʻularni har bir xodim yana bir bor masʼuliyatli vazifa ekanini chuqur his etdi.
Samarqand viloyati IIB Axborot xizmati