Vazir oʻrinbosari Toshkent mintaqasi temir yoʻl transportida xavfsizlikni taʼminlash boshqarmasining Xoʻjakent va Chirchiq temir yoʻl bekatiga tashrif buyurdi
2024-06-12 09:40:00 / Yangiliklar
Tashrif davomida Ichki ishlar vaziri oʻrinbosari general-mayor Baxodir Mirzaraximov yoʻriqnomaga saf tortgan xodimlar bilan uchrashib, xizmat va ijro intizomiga qatʼiy amal qilishi, xodimlar oʻrtasidagi oʻzaro hurmat, yurish-turish, kiyinish madaniyatiga va amaldagi qonunchilikka rioya qilish qoidalariga amal qilinishiga jiddiy eʼtibor qaratilishi, shaxsiy tarkib oʻrtasida sogʻlom muhitni shakllantirish, oʻtkazilayotgan tarbiyaviy ishlarni jadallashtirish, xodimlarning xizmat faoliyati ustidan kunlik nazoratni kuchaytirish, muomala madaniyatini yuksaltirish, xodimlar oʻrtasida xizmat va ijro intizomi, qonunchilik talablariga qatʼiy rioya qilishlari, xizmatga fidoiylik va sadoqat bilan yondashish, qonunchilikka qatʼiy amal qilinishini taʼminlash, korrupsiyaga yoʻl qoʻymaslik boʻyicha yoʻriqnomalar berdi.
Boshqarmaning bekatlarda xavfsizlikni taʼminlash boʻlinmalari boshliqlari qoʻl ostidagi xodimlarning oilaviy sharoiti, ularning muammolaridan doimiy xabardor boʻlish, transport obyektlaridagi jinoyatchilik va huquqbuzarliklar hamda ijtimoiy-kriminogen vaziyatga salbiy taʼsir etuvchi omillar chuqur tahlillar asosida oʻrganib, ularni bartaraf etish yuzasidan aniq va manzilli chora-tadbirlar belgilash yuzasidan koʻrsatmalar berdi.
Shuningdek, Chirchiq hamda Xoʻjakent temir yoʻl bekati xodimlarning xizmat faoliyatini yanada takomillashtirish, temir yoʻl maʼmuriy binosida yaratilgan shart-sharoitlar koʻzdan kechirilib, Chirchiq va Xoʻjakent temir yoʻl bekatidagi boʻlinmasi xodimlari bilan uchrashib, mavjud resurslardan unumli foydalanish, shuningdek ish jarayonida zamonaviy axborot kommunikatsiya vositalarini qoʻllash orqali ish samaradorligini kuchaytirish yuzasidan koʻrsatmalar berdi.
IIV Transport va turizm obyektlarida xavfsizlikni taʼminlash departamenti