Ichki ishlar vaziri oʻrinbosari general-mayor Baxodir Mirzaraximov tomonidan Xiva shahridagi turistik maskanlar koʻzdan kechirildi
2024-06-01 10:20:00 / Yangiliklar
Xorazm viloyati Xiva shahridagi tarixiy obidalarga tashrif buyurayotgan mahalliy hamda xorijiy sayyohlarning xavfsizligini taʼminlash, ularga amaliy yordam koʻrsatish, xavfsiz sayyohlik muhitini yaratish qolaversa jinoyatchilik hamda huquqbuzarliklarni oldini olish maqsadida Ichki ishlar vaziri oʻrinbosari general-mayor Baxodir Yuldashevich Mirzaraximov tomonidan viloyat boʻyicha oʻrganishlari davom etmoqda.
Navbatdagi oʻrganishlari Xorazm viloyatining Xiva shahrida joylashgan «Islom Xoʻja» maqbarasi hamda «Nurillaboy» saroyi koʻzdan kechirildi. Oʻrganishlar davomida mazkur hududga xizmat olib boruvchi Xorazm viloyati IIB Xavfsiz turizmni taʼminlash boshqarmasi xodimlariga jamoat tartibini saqlash, fuqarolarning qonuniy huquq va manfaatlarini himoya qilish, mamlakatimizga tashrif buyurayotgan sayyohlarning xavfsizligini taʼminlash borasida koʻrsatmalar berildi.
IIV Transport va turizm obyektlarida xavfsizlikni taʼminlash departamenti Axborot guruhi