IIV TQD tomonidan Qashqadaryo viloyati IIB hamda IJQK Departamentining Qashqadaryo viloyati boshqarmasi xodimlari bilan hamkorlikda Qarshi shahrida tezkor tadbir oʻtkazildi
2024-05-31 17:55:00 / Yangiliklar
Tadbir davomida 1991-yilda Qashqadaryo viloyatida tugʻilgan shaxs 1981-yilda tugʻilgan, xususiy tadbirkordan 20.000 AQSH dollari va 100 mln soʻm pullarni olgan vaqtida ushlandi. U Qashqadaryo viloyati Qamashi tumani Chim va Yortepa mahallalari hududida joylashgan 130 gektar davlat zaxirasidagi boʻsh yer maydonini 210.000 AQSH dollariga sotishga kelishib, keyinchalik yer maydonlarini «auksion» orqali olib berishini hamda hujjatlarini rasmiylashtirib berishini vaʼda qilgan.
Tezkor tadbirda aniqlangan Boʻnak tariqasida olingan 20.000 AQSH dollari va 100 mln soʻm ashyoviy dalil sifatida rasmiylashtirildi. Holat yuzasidan Bosh prokuratura huzuridagi Iqtisodiy jinoyatlarga qarshi kurashish departamentining Qashqadaryo viloyati boshqarmasi tomonidan jinoyat kodeksining 168-moddasi 4-qismi «a» bandi hamda 28 bilan 211-moddasi 1-qismi bilan jinoyat ishi qoʻzgʻatilib, gumonlanuvchi protsessual tartibda qamoqqa olingan.