Besh tashabbus olimpiadasi doirasida Toshkent viloyati xodimlari oʻrtasida sport musobaqalari tashkil etildi
2024-05-31 11:15:00 / Yangiliklar
Jismoniy tarbiya va sportni rivojlantirish, yoshlar oʻrtasida sportni ommalashtirish hamda ichki ishlar organlari xodimlarining jismoniy tayyorgarligini mustahkamlash doirasida IIV tomonidan koʻlamli chora-tadbirlar amalga oshirilmoqda.
Jumladan 5 ta muhim tashabbusning 2-tashabbusi “Yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratish”dan iborat.
Bu borada Toshkent viloyati IIBB tomonidan ham tegishli chora-tadbirlar belgilanib, 30 yoshgacha boʻlgan xodimlar oʻrtasida sportning Armrestling, Kibersport, Eng yaxshi mergan hamda Erkin va Yunon rum kurashi boʻyicha musobaqalar boʻlib oʻtdi.
Musobaqada boshqarmaning sohaviy xizmatlari va barcha shahar-tuman IIBlari yosh xodimlaridan tashkil topgan jamoalar ishtirok etdi.
Yakunda musobaqa gʻolib va sovrindorlariga Bosh boshqarmaning diplom, medal va esdalik sovgʻalari tantanali topshirildi.
Toshkent viloyati IIBB Axborot xizmati