Ichki ishlar vazirligi akademiyasida «Huquqbuzarliklarning oldini olish: qonunchilik, muammo va tajribalar» mavzuiga bagʻishlangan davra suhbati oʻtkazildi
2024-05-27 05:45:00 / Yangiliklar
Tadbir Rossiya, Qozogʻiston, Belarus, Qirgʻiziston hamda yurtimizning yetakchi turdosh oliy taʼlim muassasalari bilan hamkorlikda, onlayn formatda tashkil qilindi.
Huquqshunos olimlar, mutaxassis va tadqiqotchilar, taʼlim oluvchilar ishtirok etgan davra suhbatida dolzarb mavzu atroflicha muhokama qilindi. Soʻzga chiqqanlarning «Voyaga yetmaganlar jinoyatchiligining kriminologik xususiyatlari», «Oiladagi zoʻravonliklarning oldini olish», «Jinoyatchilikka qarshi kurashishning muammo va yechimlari», «Kiberjinoyatlarning oldini olish usullari», «Huquqbuzarliklar profilaktikasida axborot-kommunikatsiya texnologiyalaridan foydalanish» va boshqa shu kabi maʼruzalari tinglandi.
Tadbir yakunida hamkor taʼlim muassasalari vakillari mazkur yoʻnalishda ilmiy hamkorlikni kengaytirish, tajribalarni oʻrtoqlashish, faoliyat samaradorligiga xizmat qiladigan taklif va tavsiyalarni amaliyotga keng joriy qilishga kelishib oldilar.
IIV akademiyasi Axborot xizmati