Umumta’lim maktablarini a’lo baholarga tamomlagan bitiruvchilarga oltin va kumush medallari topshirildi
2026-07-02 20:05:00 / Yangiliklar
Bugun, 2-iyul kuni Guliston shahri hokimligida 2025-2026-o‘quv yilida umumta’lim maktablarini a’lo baholarga tamomlagan 42 nafar bitiruvchilarga oltin va kumush medallari tantanali ravishda topshirildi. Shundan 37 nafar bitiruvchi oltin va 5 nafar bitiruvchi kumush medali bilan taqdirlandi.
Tadbirni Guliston shahri hokimi o‘rinbosarlari Dilmurod Toshboyev hamda Azizaxon Payziyeva samimiy tabriklari bilan ochib berdi. Shuningdek, so‘zga chiqqan bitiruvchilar va ularning ota-onalari Prezidentimiz tomonidan yoshlarga qaratilayotgan yuksak e’tibor va yaratilayotgan keng imkoniyatlar o‘zining amaliy samarasini berayotgani, bugungi kunda yoshlarimiz turli sohalarda erishayotgan salmoqli yutuqlar buning yaqqol isboti ekanini alohida ta’kidlab o‘tdi.
Ma’lumot o‘rnida, joriy yilda Guliston shahri umumta’lim maktablarida 9 sinflarni jami 2015 nafar, 11 sinflarni 1734 nafar o‘quvchi bitirdi. Shundan, 42 nafari oltin, 5 nafari kumush medali va a’lo baholar bilan tamomladi.
Bitiruvchilarning 615 nafari 950 ta milliy va xalqaro sertifikatga ega bo‘lgan bo‘lsa, 15 nafari muddatidan oldin xorijiy oliygohlarga o‘qishga qabul qilindi.