Sirdaryo viloyati Guliston shahri hokimligi

Guliston shahri iqtisodiyot va moliya bo‘limi tomonidan «Budjet va ajratilgan mablag‘lar sarflanishi» mavzusida matbuot anjumani o‘tkazildi. Mavzu yuzasidan iqtisodiyot va moliya bo‘limi boshlig‘ining birinchi o‘rinbosari Elzod Abdualiyev tomonidan ishtirokchilarga batafsil ma’lumot berdi.

2026-yil 1-choragida Guliston shahri mahalliy budjeti daromadlar rejasi 23 mlrd 232 mln so‘m etib belgilangan bo‘lib, amalda 30 mlrd 772 mln so‘mga (132 foizga) bajarildi. Shuningdek, 1-chorak mahalliy budjet xarajatlari 39 mlrd 916 mln so‘mni tashkil etdi.

Jumladan: Ijtimoiy sohaga 15 mlrd 88 mln so‘m, maorif sohasini saqlash va uni rivojlantirishga 13 mlrd 82 mln so‘m, madaniyat sohasi xarajatlariga 454 mln so‘m, sport sohasi xarajatlariga 1 mlrd 551 mln so‘m, iqtisodiyot xarajatlariga 14 mlrd 729 mln so‘m moliyalashtirildi.

Bundan tashqari, obodonlashtirish xarajatlariga 14 mlrd 495 mln so‘m, veterinariya bo‘limi xarajatlariga 234 mln so‘m, davlat boshqaruv organlarini saqlash xarajatlariga 5 mlrd 587 mln so‘m, fuqarolar tashabbusi jamg‘armasiga 2 mlrd 732 mln so‘m moliyalashtirildi.