Sirdaryo viloyati Guliston shahar hokimligi

Guliston shahri hokimligida "Amalga oshirilayotgan islohotlar va yangiliklar: Sohada joriy etilayotgan yangi yondashuvlar, o‘zgarishlar" mavzusida matbuot anjumani bo‘lib o‘tdi. Unda Guliston shahri hokimligi moliya-iqtisodiyot va kambag‘allikni qisqartirish masalalari bo‘yicha bosh mutaxassisi Davron Zokirjonov tomonidan ochiqlik va shaffoflikni taʼminlash borasidagi hamda joriy yilning o‘tgan davrida amalga oshirilgan ishlar bo‘yicha batafsil maʼlumotlar berib o‘tildi.

Guliston shahrida amalga oshirilayotgan islohotlar va yangiliklar yangi yondashuv yuzasidan O‘zbekiston Respublikasi Prezidentining 2026-yil 5 fevraldagi 49-sonli qarorida joriy yilda hududlarda barqaror va yuqori daromadli ish o‘rinlarini yaratish, loyihaviy yondashuv asosida mahallalar ixtisoslashuvini chuqurlashtirish, tadbirkorlik faoliyati uchun qulay shart-sharoitlar yaratish, rasmiy bandlikni rag‘batlantiruvchi mexanizmlarni joriy qilish hamda kambag‘allikni qisqartirish borasidagi ishlarni sifat jihatidan yangi bosqichga olib chiqish bo‘yicha bir qator vazifalar belgilab berildi.

Shahrimizda, aholi daromadini oshirish, barqaror ish o‘rinlarini yaratish hamda kambag‘allikni qisqartirishning asosiy maqsadli ko‘rsatkichlari etib quyidagilar:

2026-yil yakuni bilan ishsizlik darajasi 4,2 foizdan, kambag‘allik darajasi 4,6 foizdan xoli xududga aylantirilishi maqsad qilib olindi. Bunda doimiy ishga joylashtirish orqali 3 689 nafar aholi bandligi taʼminlanadi. Jumladan:

- xizmat ko‘rsatish sohasini rivojlantirish orqali 996 nafar;

- “bandlik organlari – ish beruvchilar hamkori” dasturi (bo‘sh ish o‘rinlariga ishga joylashtirish) orqali 585 nafar;

- tadbirkorlikni rivojlantirish orqali 1562 nafar;

- investitsiya loyihalarini ishga tushirish hisobiga 441 nafar;

- qurilish sohasida 105 nafar.

12,4 ming aholi daromadi oshiriladi. Bunda:

1. Iqtisodiyot va moliya bo‘limi tomonidan 1268 nafar fuqarolarni daromadi oshiriladi:

2. Bandlik bo‘limi tomonidan 2578 nafar fuqarolarni daromadi oshiriladi:

a) mikroloyihalar tashkil etish hisobiga 1727 ming;

b) tomorqa va ijara yer maydonlaridan samarali foydalanish orqali 64 nafar;

g) ishsiz aholini kasb xunarga “vaucher va buyurtma” asosida o‘qitish hisobiga 595 ming;

d) moliyaviy qo‘llab-quvvatlash orqali 192 ming.