Хоrаzm vilоyati Favqulodda vaziyatlar boshqarmasi

Xorazm viloyati Favqulodda vaziyatlar boshqarmasi tomonidan o‘tkazilayotgan "Chorshanba – favqulodda vaziyatlarni oldini olish va yong‘inlar profilaktikasi kuni" tadbirlari doirasida aholi xonadonlarida keng ko‘lamli profilaktik hamda targ‘ibot ishlari olib borildi.

Tadbirlarda boshqarma Faxriylar kengashi raisi Ilhom Matyaqubov hamda kengash a'zosi Komiljon Kurbanniyazov yosh xodimlar bilan birgalikda ishtirok etib, fuqarolarga yong‘in xavfsizligi qoidalariga qat'iy rioya etish, elektr va gaz jihozlaridan xavfsiz foydalanish hamda favqulodda vaziyatlarning oldini olish bo‘yicha tushuntirishlar berdilar.

Shuningdek, faxriylar ko‘p yillik xizmat faoliyati davomida orttirgan boy tajribalarini yosh xodimlar bilan o‘rtoqlashib, profilaktik tadbirlarni samarali tashkil etish, aholi bilan muloqot madaniyati va xavfsizlikni ta'minlash borasida amaliy tavsiyalar berdilar.

Bunday tadbirlar aholining xavfsizlik madaniyatini yuksaltirish, yong‘inlar va boshqa favqulodda vaziyatlarning oldini olish hamda tajriba va avlodlar davomiyligini ta'minlashda muhim ahamiyat kasb etmoqda.