Surхоndаryo vilоyati Favqulodda vaziyatlar boshqarmasi

Surxondaryo viloyatida Favqulodda vaziyatlar vazirligining harbiy xizmatchilari va xizmatchilari o‘rtasida sportning kurash turi bo‘yicha “Favqulodda vaziyatlar vaziri kubogi” uchun musobaqa o‘tkazildi. Musobaqaning birinchi kunida ishtirokchilar Al-Hakim at-Termiziy ziyoratgohiga tashrif buyurib, ziyorat qildilar. Shuningdek, musobaqaga tayyorgarlik doirasida qur’a tashlash va polvonlarning vaznini o‘lchash marosimlari o‘tkazildi. Musobaqaning asosiy bellashuvlari Termiz shahridagi “Alpomish” sport majmuasida 8 ta vazn toifasida tashkil etilib, unda 12 ta viloyat, Toshkent shahri hamda 6 ta boshqarmadan 100 nafarga yaqin polvon ishtirok etdi. Qizg‘in va murosasiz bellashuvlar yakuniga ko‘ra, umumjamoa hisobida: 🥇 1-o‘rin — Qashqadaryo viloyati FVB 🥈 2-o‘rin — Surxondaryo viloyati FVB 🥉 3-o‘rin — Samarqand viloyati FVB Musobaqa g‘olib va sovrindorlari “Favqulodda vaziyatlar vaziri kubogi” hamda qimmatbaho sovg‘alar bilan taqdirlandilar.