Jinoyatchilikka qarshi kurashish va yo‘l harakati xavfsizligi masalalari muhokama qilindi
2026-07-20 10:00:00 / Majlislar
Surxondaryo viloyati Favqulodda vaziyatlar boshqarmasida videokonferensiya aloqa tizimi orqali jinoyatchilikka qarshi kurashish, xizmat intizomini mustahkamlash hamda yo‘l harakati qoidalariga qat’iy rioya etish masalalariga bag‘ishlangan yig‘ilish o‘tkazildi.
Unda Favqulodda vaziyatlar vazirligining mas’ul xodimi, Yo‘l harakati xavfsizligi xizmati hamda Harbiy prokuratura vakillari ishtirok etdi. Shuningdek, viloyat boshqarmasi rahbariyati va barcha tuman (shahar) Favqulodda vaziyatlar bo‘limlari xodimlari videokonferensiya orqali qatnashdi.
Yig‘ilishda jinoyatchilik va huquqbuzarliklarning oldini olish, xizmat intizomini kuchaytirish, yo‘l harakati qoidalariga so‘zsiz amal qilish hamda profilaktik ishlar samaradorligini oshirish yuzasidan zarur vazifalar belgilab olindi.
