Surxondaryo viloyati FVBda “Huquqbuzarliklar profilaktikasi kuni” tadbiri o‘tkazildi
2026-07-16 09:30:00 / Majlislar
Surxondaryo viloyati Favqulodda vaziyatlar boshqarmasida shaxsiy tarkib ishtirokida “Yo‘l-transport hodisalari: ularning kelib chiqish sabablari va oldini olish chora-tadbirlari” mavzusida “Huquqbuzarliklar profilaktikasi kuni” tadbiri tashkil etildi.
Tadbirda boshqarma boshlig‘i o‘rinbosari, podpolkovnik T. Turayev, Termiz harbiy prokuraturasi katta tergovchisi, podpolkovnik A. Azimov hamda boshqarma shaxsiy tarkibi ishtirok etdi.
Tadbir davomida yo‘l-transport hodisalarining asosiy sabablari, ularning salbiy oqibatlari, yo‘l harakati qoidalariga qat’iy rioya etishning ahamiyati hamda huquqbuzarliklarning oldini olish bo‘yicha amalga oshirilishi lozim bo‘lgan chora-tadbirlar yuzasidan batafsil tushuntirishlar berildi.
Shuningdek, Favqulodda vaziyatlar tizimida sodir etilgan ayrim huquqbuzarliklar muhokama qilinib, ularning kelib chiqish sabablari tahlil etildi. Shaxsiy tarkibga xizmat intizomiga rioya qilish, qonunchilik talablarini so‘zsiz bajarish, korrupsiyaga va boshqa huquqbuzarliklarga nisbatan murosasiz munosabatda bo‘lish hamda har qanday salbiy holatlarning oldini olish yuzasidan zarur tavsiyalar berildi.
Bundan tashqari, “Huquqbuzarliklar profilaktikasi kuni” doirasidagi tadbirlar Surxondaryo viloyatining barcha shahar va tuman Favqulodda vaziyatlar bo‘limlarida ham o‘tkazilib, shaxsiy tarkibning huquqiy ongi va huquqiy madaniyatini yuksaltirish, xizmat intizomini mustahkamlash hamda qonuniylikni ta’minlash masalalariga alohida e’tibor qaratildi.
