Surхоndаryo vilоyati Favqulodda vaziyatlar boshqarmasi

Sariosiyo tumani hokimligida Surxondaryo viloyati Favqulodda vaziyatlar boshqarmasi boshlig‘i, podpolkovnik Sh. Shukurov, Sariosiyo tumani hokimi – Fuqaro muhofazasi boshlig‘i Odiljon Yaqubov hamda tuman prokurori B. Oltibayev rahbarligida tegishli boshqaruv organlari, xizmatlar va tashkilotlar rahbarlari ishtirokida yig‘ilish o‘tkazildi. Unda Sariosiyo tumanida o‘tkazilgan Qo‘mondonlik-o‘quv shtab mashqi yakunlari sarhisob qilinib, mashq davomida boshqaruv organlari, xizmatlar va kuch hamda vositalarning o‘zaro hamkorligi, favqulodda vaziyatlarda tezkor va muvofiqlashtirilgan harakat qilish bo‘yicha erishilgan natijalar tahlil qilindi. Yig‘ilish davomida aniqlangan kamchiliklarni bartaraf etish, mavjud imkoniyatlardan samarali foydalanish hamda favqulodda vaziyatlarga shaylikni yanada oshirish yuzasidan mas'ullarga tegishli topshiriq va ko‘rsatmalar berildi. Yakunda o‘quv mashqlarini namunali tashkil etish, belgilangan vazifalarni o‘z vaqtida va sifatli bajarish hamda faol ishtiroki bilan ajralib turgan bir guruh rahbar va xodimlar munosib taqdirlandi.