Guliston shahar Yangi xayot maxallasida sodir boʻlgan yongʻin muhokamasi oʻtkazildi.
2026-10-20 22:35:00 / Yangiliklar

Sirdaryo viloyati FVB boshligʻining oʻrinbosari Asror Gazixodjayev rahbarligida tashkil etilgan muhokamada mahalla raisi, profilaktika inspektori hamda fuqarolar ishtirok etdi.
Muhokama davomida yongʻinning kelib chiqish sabablari va uning oldini olish choralari atroflicha koʻrib chiqildi. Shuningdek, fuqarolarga yongʻin xavfsizligi qoidalariga qatʼiy rioya qilish, elektr jihozlaridan toʻgʻri foydalanish, gaz uskunalarining sozligini muntazam tekshirib borish hamda yongʻin xavfini keltirib chiqaruvchi omillarga beparvo boʻlmaslik yuzasidan tushuntirishlar berildi.
Tadbir yakunida mahallada yongʻinlar va ularning salbiy oqibatlarining oldini olish, aholining yongʻin xavfsizligi boʻyicha bilim va koʻnikmalarini oshirish hamda profilaktika ishlarini yanada kuchaytirish boʻyicha tegishli vazifalar belgilab olindi.








