Sirdaryo viloyati Favqulodda vaziyatlar boshqarmasi rahbariyati ishtirokida Guliston shahridagi bozorlar hududida profilaktik tadbirlar o‘tkazilmoqda.
2026-10-16 15:55:00 / Yangiliklar
Aholi va hududlar xavfsizligini ta’minlash hamda favqulodda vaziyatlarning oldini olish maqsadida Sirdaryo viloyati Favqulodda vaziyatlar boshqarmasi rahbariyati ishtirokida Guliston shahridagi bozorlar hududida profilaktik tadbirlar o‘tkazilmoqda.
Tadbirlar davomida savdo do‘konlarida birlamchi yong‘in o‘chirish vositalarining mavjudligi, bozor hududidagi suv havzalari va suv uzatish tarmoqlarining sozligi, maxsus qutqaruv texnikalarining erkin harakatlanishi uchun yaratilgan sharoitlar hamda elektr tarmoqlarining texnik holati o‘rganilmoqda.
Shuningdek, aniqlangan kamchiliklarni bartaraf etish, yong‘in xavfsizligi qoidalariga qat’iy rioya etish va favqulodda vaziyatlarning oldini olish yuzasidan mas’ullarga tegishli topshiriqlar berilmoqda.
🔰Sirdaryo viloyati FVB Axborot xizmati