Sirdaryo viloyati FVB boshqarmasi boshlig‘i o‘rinbosari A. Gazixodjayev rahbarligida paxta qabul qilish punktlarida tungi nazorat-profilaktik tadbirlari olib borilmoqda.
2026-10-09 15:55:00 / Yangiliklar
Paxta yig‘im-terim mavsumini xavfsiz o‘tkazish, favqulodda vaziyatlarning oldini olish hamda yong‘in xavfsizligini ta’minlash maqsadida Sirdaryo viloyati FVB boshqarmasi boshlig‘i o‘rinbosari A. Gazixodjayev rahbarligida paxta qabul qilish punktlarida tungi nazorat-profilaktik tadbirlari olib borilmoqda.
Tadbirlar davomida korxonalarda yong‘in xavfsizligi qoidalariga rioya etilishi, birlamchi yong‘in o‘chirish vositalarining mavjudligi va sozligi, maxsus texnikalarning texnik holati, suv uzatish tarmoqlarining doimiy shayligi hamda elektr tarmoqlarining holati o‘rganilmoqda.
Shuningdek, korxona ishchi-xodimlariga texnika va yong‘in xavfsizligi qoidalariga qat’iy rioya etish, yong‘in va boshqa favqulodda vaziyatlarning oldini olish, bunday holatlar yuzaga kelganda to‘g‘ri va tezkor harakat qilish yuzasidan tushuntirish ishlari olib borilmoqda.
🔰Sirdaryo viloyati FVB Axborot xizmati