Favqulodda vaziyatlarning oldini olish hamda aholi va hududlar xavfsizligini ta'minlash maqsadida Xovos tumani hududida profilaktik tadbirlar amalga oshirilmoqda.
2026-07-01 15:55:00 / Yangiliklar
Tadbirlar davomida ijtimoiy soha obyektlarida yong'in va texnika xavfsizligi talablariga rioya etilishi o'rganilib, elektr tarmoqlarining texnik sozligi, birlamchi yong'in o'chirish vositalarining mavjudligi hamda ularning yaroqlilik holati ko'zdan kechirildi. Shuningdek, yong'in o'chirish jihozlari amaliy sinovdan o'tkazilib, ularning ishlash qobiliyati tekshirildi.
O'rganishlar jarayonida aniqlangan kamchiliklarni bartaraf etish yuzasidan mas'ul shaxslarga tegishli topshiriqlar berilib, yong'in va favqulodda vaziyatlar xavfsizligi qoidalariga qat'iy rioya etish bo'yicha amaliy tavsiyalar bildirildi.
Sirdaryo viloyati FVB Axborot xizmati