“Yong‘indan ogohlik” umummilliy kampaniyasi doirasida Toyloq tumanidagi 2-son texnikumida kuz-qish mavsumida yong‘inlarning oldini olishga qaratilgan profilaktik tadbir o‘tkazildi.
2026-09-14 10:30:00 / Yangiliklar
Unda texnikum talabalari ishtirokida kuz-qish mavsumida yong‘in xavfsizligi qoidalariga qat’iy rioya qilish, isitish pechlarini to‘g‘ri o‘rnatish va ulardan xavfsiz foydalanish tartibi bo‘yicha tushuntirish ishlari olib borildi.
Tadbir davomida isitish mavsumida yong‘in kelib chiqishining asosiy sabablaridan biri bo‘lgan elektr va gaz jihozlaridan noto‘g‘ri foydalanish, nosoz hamda qo‘lbola isitish moslamalaridan foydalanishning oldini olish bo‘yicha tavsiyalar berildi.
Shuningdek, is gazidan zaharlanishning oldini olish, xonalarni muntazam shamollatish, mo‘ri va tutun yo‘llarining sozligini nazorat qilish, isitish moslamalarini nazoratsiz qoldirmaslik zarurligi alohida ta’kidlandi.
Gaz sizib chiqishi natijasida havo-gaz aralashmasining chaqnashi oqibatida yuzaga kelishi mumkin bo‘lgan yong‘in va portlashlarning oldini olish bo‘yicha ham talabalarga zarur tavsiyalar berildi.
Favqulodda vaziyat sodir bo‘lganda to‘g‘ri va tezkor harakat qilish, xavfsiz hududga chiqish, atrofdagilarni ogohlantirish hamda tegishli xizmatlarga xabar berish tartibi ham tushuntirildi.
Profilaktik tadbir doirasida texnikum binosining yong‘in xavfsizligi holati ham o‘rganildi. Jumladan, evakuatsiya yo‘laklari va chiqish eshiklari, elektr tarmoqlari, isitish tizimlari hamda yong‘inga qarshi vositalarning holati ko‘zdan kechirildi.
O‘rganishlar davomida aniqlangan kamchiliklarni bartaraf etish, yong‘in xavfsizligi talablariga qat’iy rioya qilish hamda kuz-qish mavsumini xavfsiz o‘tkazish yuzasidan mas’ullarga tegishli tavsiya va ko‘rsatmalar berildi.