Qurilish obyektlarida favqulodda vaziyatlarning oldini olish choralari kuchaytirilmoqda
2026-09-09 18:25:00 / Yangiliklar
«Yong‘indan ogohlik» umummilliy kampaniyasi doirasida Samarqand shahrida qurilish obyektlarida favqulodda vaziyatlarning oldini olish va xavfsizlikni ta’minlashga qaratilgan profilaktik tadbirlar o‘tkazilmoqda.
Samarqand shahar Favqulodda vaziyatlar bo‘limi xodimlari tomonidan qurilish maydonlarida yong‘in xavfsizligi, elektr tarmoqlaridan foydalanish, payvandlash ishlarini xavfsiz tashkil etish hamda ishchilarning xavfsizligiga oid talablarga rioya etilishi o‘rganilmoqda.
Shuningdek, qurilish tashkilotlarining mas’ul xodimlari va ishchilariga favqulodda vaziyatlar sodir bo‘lishining oldini olish, xavfli holatlarda to‘g‘ri harakat qilish va xavfsizlik qoidalariga qat’iy rioya etish bo‘yicha tushuntirishlar berilmoqda.
Aniqlangan kamchiliklarni bartaraf etish yuzasidan mas’ullarga tegishli ko‘rsatma va tavsiyalar berilib, xavfsizlik choralarini kuchaytirish zarurligi eslatilmoqda.