Samarqand viloyati Favqulodda vaziyatlar boshqarmasi

Joriy yilning 1–3 iyun kunlari Samarqand shahrida “Yosh qutqaruvchi” musobaqasining respublika bosqichi bo‘lib o‘tadi.

Musobaqada mamlakatimizning turli hududlaridan tashrif buyurgan jamoalar o‘zaro bellashib, favqulodda vaziyatlarda to‘g‘ri harakat qilish, birinchi yordam ko‘rsatish, qutqaruv ishlari hamda jismoniy tayyorgarlik bo‘yicha o‘z mahoratlarini namoyish etadilar.

Musobaqa ishtirokchilari Samarqand temir yo‘l vokzalida tantanali ravishda kutib olindi. Mehmonlarni FVV masʼul xodimi R.Norqulov, viloyat hokimining o‘rinbosari X. To‘xtayev, Samarqand viloyati Favqulodda vaziyatlar boshqarmasi boshlig‘i G‘. Muxamedov hamda boshqa mas’ul rahbarlar qarshi oldilar.

Kutib olish marosimi davomida milliy kuy-qo‘shiqlar va orkestr sadolari yangrab, ishtirokchilarga yurtimizning mehmondo‘stlik an’analari namoyon etildi.

Musobaqa qatnashchilariga muvaffaqiyat tilanib, ular uchun yaratilgan shart-sharoitlar haqida ma’lumotlar berildi.