Huquqbuzarliklarning oldini olishga qaratilgan profilaktik tadbir o‘tkazildi
2026-05-23 09:00:00 / Yangiliklar
Bugun FVV mas’ul xodimi, Samarqand viloyati FVB rahbariyati hamda Samarqand harbiy prokuraturasi vakillari tomonidan viloyat FVB va uning shahar-tuman bo‘limlari shaxsiy tarkibi ishtirokida “Zoom” platformasi orqali profilaktik tadbir tashkil etildi.
Tadbir davomida xizmat intizomini yanada mustahkamlash, huquqbuzarliklar, ayniqsa korrupsiya bilan bog‘liq jinoyatlarning oldini olish masalalariga alohida e’tibor qaratildi. So‘zga chiqqanlar xizmat faoliyatida halollik, shaffoflik va qonuniylik tamoyillariga qat’iy amal qilish zarurligini ta’kidlab, bu borada tegishli tavsiya va ogohlantirishlarni berdilar.
Shuningdek, tadbir davomida harbiy xizmatchilar ishtirokida yo‘l-transport hodisalarining oldini olish, xizmat davomida xavfsizlik qoidalariga rioya etish hamda turli jinoyat va huquqbuzarliklarga yo‘l qo‘ymaslik yuzasidan zarur tushuntirishlar berildi.