Nаmаngаn vilоyati Favqulodda vaziyatlar boshqarmasi

Mustaqillik bayramini xavfsiz o‘tkazish va xizmat intizomi yuzasidan yig‘ilish

Namangan viloyati Favqulodda vaziyatlar boshqarmasida O‘zbekiston Respublikasi Mustaqilligining 35 yilligi bayrami tadbirlarini xavfsiz va namunali o‘tkazish, shuningdek, xizmat intizomiga qat’iy rioya etish masalalariga bag‘ishlangan yig‘ilish bo‘lib o‘tdi.

Yig‘ilish Davlat xavfsizlik xizmatining Namangan viloyati boʼyicha mas’ul xodimi hamda Namangan viloyati Favqulodda vaziyatlar boshqarmasi boshlig‘i podpolkovnik Elyor Axmadaliyev boshchiligida o‘tkazildi.

Unda bayram tadbirlarini o‘tkazish jarayonida fuqarolar xavfsizligini ta’minlash, favqulodda vaziyatlarning oldini olish, kuch va vositalarning shayligini ta’minlash, jamoat joylari hamda ommaviy tadbirlar o‘tkaziladigan hududlarda yong‘in va texnika xavfsizligi talablariga qat’iy rioya etish masalalariga alohida e’tibor qaratildi.

Shuningdek, xodimlarning xizmat intizomi, qonuniylikka rioya qilishi, xizmat vazifalarini vijdonan va mas’uliyat bilan bajarishi, rahbar va xodimlarning belgilangan tartib-qoidalarga qat’iy amal qilishi yuzasidan tegishli vazifalar belgilab berildi.

Yig‘ilish yakunida mas’ullarga bayram tadbirlarini xavfsiz o‘tkazish bo‘yicha belgilangan chora-tadbirlarning ijrosini ta’minlash hamda xizmat intizomini yanada mustahkamlash yuzasidan aniq topshiriqlar berildi.