Namangan viloyati Favqulodda vaziyatlar boshqarmasida tezkor yig‘ilish o‘tkazildi
2026-06-08 16:55:00 / Yangiliklar
Namangan viloyati Favqulodda vaziyatlar boshqarmasida tezkor yig‘ilish o‘tkazildi
Namangan viloyati Favqulodda vaziyatlar boshqarmasida Favqulodda vaziyatlar vazirining o‘rinbosari polkovnik Xurshid Sotiyev tomonidan tezkor yig‘ilish o‘tkazildi.
Yig‘ilishda yoz mavsumida suvda baxtsiz hodisalarni, g‘alla maydonlarida yong‘in va favqulodda vaziyatlarning oldini olish hamda bolalar yozgi dam olish oromgohlarida texnika va yong‘in xavfsizligi qoidalariga rioya etish masalalari muhokama qilindi.
Shuningdek, ushbu yo‘nalishlarda profilaktik tadbirlarni kuchaytirish va belgilangan vazifalar ijrosini ta’minlash yuzasidan mas’ullarga tegishli topshiriq va tavsiyalar berildi.
Yig‘ilishda boshqarma boshlig‘ining o‘rinbosarlari, boshqarma mas’ul xodimlari hamda Namangan shahri va barcha tuman Favqulodda vaziyatlar bo‘limlari boshliqlari ishtirok etdilar.