“Energiya resurslaridan xavfsiz foydalanish oyligi” doirasida 2026–2027-yillar kuz-qish mavsumini betalafot o‘tkazishga bag‘ishlangan seminar tashkil etildi.
2026-11-14 17:35:00 / Yangiliklar

FVV mas’ul xodimi podpolkovnik B. Ikromov, Jizzax viloyati FVB boshlig‘i polkovnik F. Dadabayev hamda tegishli tashkilotlar vakillari ishtirokida Jizzax politexnika institutida “Energiya resurslaridan xavfsiz foydalanish oyligi” doirasida 2026–2027-yillar kuz-qish mavsumini betalafot o‘tkazishga bag‘ishlangan seminar tashkil etildi.
Seminarda is gazidan zaharlanish, yong‘inlar, gaz-havo aralashmasining chaqnashi va ovqatdan zaharlanish holatlarining oldini olish, isitish moslamalaridan xavfsiz foydalanish hamda gaz jihozlarining sozligini nazorat qilish yuzasidan tushuntirishlar berildi.
Shuningdek, talabalar turar joylari va ijarada yashayotgan yoshlarning xavfsizligini ta’minlash masalalari muhokama qilindi. O‘rganishlar davomida xavfsizlik talablariga javob bermaydigan ijara xonadonlari bo‘yicha tegishli choralar ko‘rilayotgani ta’kidlandi.









