Arnasoy tumanida kuz-qish mavsumini betalofat o‘tkazish, aholi xonadonlarida yong‘in va boshqa favqulodda holatlarning oldini olishga qaratilgan profilaktik tadbirlar jarayoni o‘rganildi
2026-09-18 15:35:00 / Yangiliklar
Jizzax viloyati Favqulodda vaziyatlar boshqarmasi boshlig‘i, polkovnik Feruz Dadabayev Arnasoy tumanidagi G‘ofur G‘ulom mahallasida bo‘lib, kuz-qish mavsumini betalofat o‘tkazish, aholi xonadonlarida yong‘in va boshqa favqulodda holatlarning oldini olishga qaratilgan profilaktik tadbirlar jarayonini o‘rgandi.
O‘rganishlar davomida mahallada faoliyat olib borayotgan ishchi guruh bilan birgalikda fuqarolarning yashash xonadonlarining kuz-qish mavsumiga tayyorgarligi, isitish tizimlari, gaz va elektr jihozlaridan foydalanish holati hamda yong‘in xavfsizligi talablariga rioya etilishi ko‘zdan kechirildi.
Aniqlangan kamchiliklarni bartaraf etish yuzasidan tegishli tavsiyalar berilib, fuqarolarga isitish moslamalari, gaz va elektr jihozlaridan foydalanishda xavfsizlik qoidalariga qat’iy rioya qilish, nosoz va qo‘lbola isitish vositalaridan foydalanmaslik hamda yong‘in xavfsizligi talablarini doimo e’tiborda tutish zarurligi tushuntirildi.