“Yong‘indan ogohlik umummilliy kompaniyasi oyligi” doirasida kuz-qish mavsumi oldidan profilaktik tadbirlar kuchaytirilmoqda
2026-09-14 14:45:00 / Yangiliklar
"Yong‘indan ogohlik umummilliy kompaniyasi oyligi" doirasida kuz-qish mavsumi oldidan Jizzax shahar FVB, shahar Gaz ta’minoti bo‘limi va "Energiya Degit" servis kompaniyasi xodimlari hamkorligida "Xayrabod" MFYdagi aholi xonadonlarida profilaktik tadbirlar amalga oshirildi.
Tadbir davomida xonadonlardagi gaz va elektr uskunalaridan to‘g‘ri hamda xavfsiz foydalanish, dudburonlarning holati va yong‘in xavfsizligi qoidalariga rioya etilishi atroflicha ko‘rib chiqildi. Aniqlangan kamchiliklarning asosiy qismi "Energiya Degit" servis kompaniyasi mutaxassislari tomonidan joyida bartaraf etilishiga erishildi.
Shuningdek, fuqarolarga kuz-qish mavsumida is gazi va yong‘inlarning oldini olish yuzasidan tushuntirish ishlari olib borilib, oylik doirasida tayyorlangan maxsus profilaktik eslatmalar tarqatildi.