Do‘stlik tumanidagi dehqon bozorida yong‘in xavfsizligi bo‘yicha targ‘ibot tadbiri o‘tkazildi
2026-09-14 13:45:00 / Yangiliklar
Tadbir davomida bozor hududida maxsus yong‘in-qutqaruv texnikalarining erkin va to‘siqsiz harakatlanishi, evakuatsiya yo‘laklarining holati hamda yong‘in xavfsizligi talablariga rioya etilishi ko‘zdan kechirildi.
Shuningdek, bozor hududidagi tadbirkorlar va fuqarolarga yong‘in xavfsizligi qoidalariga qat’iy rioya qilish, elektr jihozlaridan to‘g‘ri foydalanish, evakuatsiya yo‘laklari hamda kirish-chiqish yo‘llarini doimo ochiq saqlash yuzasidan tegishli tushuntirishlar berildi.
Tadbir davomida fuqarolarga yong‘in sodir bo‘lganda to‘g‘ri harakat qilish, tezkor xizmatlarga xabar berish hamda yong‘inlarning oldini olish bo‘yicha zarur tavsiyalar berildi.
Mazkur targ‘ibot tadbiri aholi va tadbirkorlar o‘rtasida yong‘in xavfsizligi madaniyatini oshirish, yong‘inlarning oldini olish hamda fuqarolar hayoti va mol-mulkini asrashga qaratilgan.