Andijon viloyati Favqulodda vaziyatlar boshqarmasi boshlig‘i polkovnik B.Egamnazarov tomonidan Asaka tumanida joylashgan “Asaka” bolalar sog‘lomlashtirish oromgohida yozgi mavsum oldidan o‘rganish ishlari olib borildi.
2026-05-30 12:35:00 / Yangiliklar
O‘rganish davomida oromgoh hududida bolalarning xavfsiz va mazmunli dam olishini ta’minlash maqsadida yong‘in xavfsizligi, favqulodda vaziyatlarning oldini olish, evakuatsiya yo‘laklari holati, birlamchi yong‘in o‘chirish vositalarining mavjudligi hamda muhandislik-kommunikatsiya tizimlarining sozligi atroflicha ko‘zdan kechirildi.
Shuningdek, mas’ul xodimlarga favqulodda vaziyatlarda harakatlanish tartibi, bolalarni tezkor evakuatsiya qilish, xavfsizlik qoidalariga qat’iy rioya etish hamda profilaktik tadbirlarni muntazam tashkil etish yuzasidan tegishli ko‘rsatma va tavsiyalar berildi.
Ta’kidlanganidek, yozgi sog‘lomlashtirish mavsumida bolalarning hayoti va salomatligini muhofaza qilish eng ustuvor vazifalardan biri hisoblanadi. Shu bois barcha oromgohlarda xavfsizlik talablariga to‘liq rioya etilishi ustidan nazorat ishlari davom ettirilmoqda.