Andijon viloyati Favqulodda vaziyatlar boshqarmasi xotin-qizlari tomonidan ma’naviy-ma’rifiy tadbirlar doirasida Andijon viloyati tarixi va madaniyati davlat muzeyiga tashrif tashkil etildi.
2026-05-29 08:10:00 / Yangiliklar
Tashrif davomida ishtirokchilar muzey ekspozitsiyalari bilan yaqindan tanishib, qadimiy davrlarga oid noyob eksponatlar, arxeologik topilmalar hamda milliy meros namunalarini katta qiziqish bilan ko‘zdan kechirdilar.
Shuningdek, muzeyda yurtimiz tarixi, ajdodlarimiz qoldirgan boy ma’naviy meros hamda asrlar davomida shakllangan milliy qadriyatlar haqida batafsil ma’lumotlar berildi.
Mazkur tadbir xotin-qizlarning ma’naviy dunyoqarashini boyitish hamda tarixiy merosga bo‘lgan hurmat va e’tiborni mustahkamlashga xizmat qildi.
Muzey bo‘ylab tashkil etilgan sayohat ishtirokchilarda katta taassurot qoldirdi.