Andijonda harbiy xizmatchilar farzandlariga imtiyozli tavsiyanomalar topshirildi
2026-05-16 10:20:00 / Yangiliklar
Favqulodda vaziyatlar vazirining o‘rinbosari polkovnik X.Sotiev, Andijon viloyati Favqulodda vaziyatlar boshqarmasi boshlig‘i polkovnik B.Egamnazarov, Andijon harbiy prokuraturasi, O‘zbekiston Yoshlar ittifoqi hamda viloyat Ma’naviyat va ma’rifat bo‘limi rahbarlari ishtirokida vazirlik tizimida xizmat qilayotgan harbiy xizmatchilarning farzandlariga Respublika oliy ta’lim muassasalariga o‘qishga kirish uchun imtiyozli tavsiyanomalar tantanali ravishda topshirildi.
Tadbir davomida yoshlarga kelajakda Vatan ravnaqiga munosib hissa qo‘shadigan yetuk mutaxassis bo‘lib yetishish, bilim va salohiyatlarini yanada oshirish bo‘yicha ezgu tilaklar bildirildi.
Mazkur e’tibor va g‘amxo‘rlik harbiy xizmatchilar oilalarini qo‘llab-quvvatlash, yoshlarni ilm-fanga rag‘batlantirish hamda ularning orzu-intilishlarini ro‘yobga chiqarishga xizmat qilmoqda.