Favqulodda vaziyatlar vazirligi akademiyasi

Unda Akademiya rahbariyati, professor-oʻqituvchilari, tinglovchilar, kursantlar hamda universitet mas’ul vakillari ishtirok etdilar. Muloqot davomida sun’iy intellekt, robototexnika, intellektual tizimlar, kiberxavfsizlik va raqamli texnologiyalarni, xususan, favqulodda vaziyatlarni boshqarish sohasida qoʻllash bo‘yicha hamkorlik istiqbollari muhokama qilindi.

Shuningdek, mazkur yo‘nalishlarda qo‘shma onlayn darslar oʻtkazish, Zagreb universitetining yetakchi professor-oʻqituvchilarini Akademiya ta’lim jarayoniga jalb etish, Akademiya professor-oʻqituvchilari va kursantlarining stajirovka hamda malaka oshirish kurslarida ishtirokini ta’minlash, xalqaro simpozium va konferensiyalarda oʻzaro qatnashish masalalari yuzasidan fikr almashildi.

Uchrashuv zamonaviy texnologiyalar sohasida xalqaro tajriba almashish, ilmiy-ta’limiy hamkorlikni kengaytirish va favqulodda vaziyatlar sohasiga innovatsion yechimlarni joriy etish uchun yangi imkoniyatlarni muhokama qilishga zamin yaratdi.