Favqulodda vaziyatlar vazirligi akademiyasi

O‘quv kursining ochilish marosimida universitetning birinchi o‘rinbosari, texnika fanlari nomzodi, dotsent, polkovnik Babich Vitaliy Yevgenevich (Бабич Виталий Евгеньевич) O‘zbekiston delegatsiyasi bilan uchrashib, kursning asosiy maqsad va vazifalari, o‘quv dasturi, amaliy mashg‘ulotlar mazmuni hamda tinglovchilar uchun yaratilgan shart-sharoitlar haqida batafsil ma’lumot berdi.

Mazkur xalqaro o‘quv kursi davomida ishtirokchilar zamonaviy qutqaruv texnologiyalari, yong‘inlarni o‘chirishning ilg‘or usullari, aholini muhofaza qilish, favqulodda vaziyatlarda boshqaruvni tashkil etish hamda avariya-qutqaruv ishlarini samarali olib borish bo‘yicha nazariy va amaliy bilimlarini yanada mustahkamlaydi.

Ushbu o‘quv dasturi Favqulodda vaziyatlar vazirligi Akademiyasi professor-o‘qituvchilari va mutaxassislarining kasbiy salohiyatini oshirish, ilg‘or xalqaro tajribalarni o‘rganish hamda ularni ta’lim jarayoni va amaliy faoliyatga keng joriy etishda muhim ahamiyat kasb etadi.