Fargʻona tumanida aholi va mahalla tizimi xodimlarining jismoniy tayyorgarlik darajasi sinovdan oʻtkazildi
2025-10-09 13:30:00 / Yangiliklar
Fargʻona tumani 1-son sport maktabida 1- va 2-son sport maktablari xodimlari tomonidan tumandagi mahallalarda istiqomat qiluvchi 30 yoshdan 70 yoshgacha va undan katta yoshdagi aholi hamda mahalla tizimi xodimlarining “Jismoniy tayyorgarlik darajasi” sport sinovlari oʻtkazildi.
Mazkur tadbir sogʻlom turmush tarzini targʻib etish, jismoniy faollikni oshirish va aholining sport bilan muntazam shugʻullanishini ragʻbatlantirish maqsadida tashkil etildi.
Sinovlar davomida ishtirokchilar yugurish, turnikda tortilish, bel egish, qoʻlni bukib yozish kabi mashqlarni bajarish orqali oʻzlarining jismoniy tayyorgarlik darajasini namoyish etdilar.
Tadbir yakunida sinovlarda faol qatnashgan fuqarolarga sogʻlom turmush tarzini doimiy ravishda hayot mezoniga aylantirish, jismoniy faollikni oshirish va sportni kundalik faoliyatga tatbiq etish bo‘yicha tavsiyalar berildi.