Fargʻona tumanida sogʻlom turmush tarzini targʻib etuvchi tadbir oʻtkazildi
2025-10-09 12:30:00 / Yangiliklar
Fargʻona tumani 1-son sport maktabi hududidagi “Yoshlarobod” markaziy oʻyingohida tuman Tibbiyot birlashmasi huzuridagi tibbiyot muassasalarida faoliyat yuritayotgan davlat fuqarolik xizmatchilari ishtirokida “Sogʻlom hayot sari 5000 qadam” loyihasi doirasida ommaviy sogʻlomlashtirish tadbiri tashkil etildi. Mazkur loyiha aholi oʻrtasida sogʻlom turmush tarzini keng targʻib etish, jismoniy faollikni oshirish hamda tibbiyot xodimlari oʻrtasida sogʻlom hayot madaniyatini shakllantirishga qaratilgan. Tadbir davomida ishtirokchilar belgilangan masofani piyoda bosib oʻtish orqali sogʻlom hayot sari amaliy qadam tashladilar. Loyiha doirasida oʻtkazilgan bunday tadbirlar jamiyatda jismoniy faollikni oshirish, aholi salomatligini mustahkamlash va sogʻlom avlodni tarbiyalash yoʻlidagi muhim tashabbuslardan biri hisoblanadi.