Farg‘ona tumanida doimiy komissiyalar yig‘ilishi bo‘lib o‘tdi
2025-10-05 08:05:00 / Yangiliklar
Farg‘ona tumani hokimligida Xalq deputatlari tuman Kengashi huzuridagi doimiy komissiyalar yig‘ilishi o‘tkazildi.
Unda hudud taraqqiyoti va aholining ijtimoiy turmush darajasini oshirishga qaratilgan bir qator dolzarb masalalar muhokama qilindi.
Kun tartibidan o‘rin olgan masalalar orasida Prezident farmon va qarorlarining ijrosini ta’minlash, suv resurslaridan oqilona foydalanish va limitlarga rioya qilish, onalik va bolalikni muhofaza qilish, yoshlar bilan ishlash, ichki yo‘llarni obodonlashtirish kabi yo‘nalishlar ko‘rib chiqildi.
Shuningdek, aholining e’tirozlariga sabab bo‘layotgan chiqindilarni yig‘ish va tashib ketish masalasi ham muhokama etildi. Mazkur masala yuzasidan navbatdagi yig‘ilishda alohida ko‘rib chiqish belgilandi.
Yig‘ilish yakunida navbatdagi sessiya kun tartibiga kiritiladigan masalalar yuzasidan qarorlar qabul qilinib, mutasaddilarga tegishli topshiriqlar berildi.