Fargʻonada elektr, gaz, suv va issiqlik bilan bogʻliq favqulodda vaziyatlar koʻrigi oʻtkazildi.
2025-10-03 19:20:00 / Yangiliklar
Mazkur tadbirda tegishli tashkilotlar va mutasaddi xizmatlar ishtirok etib, kuz-qish mavsumida barqaror ishlashni taʼminlash hamda favqulodda vaziyatlarning oldini olish yuzasidan kuch va vositalarning tayyorgarlik darajasi amaliy misollar orqali namoyish etildi.
Koʻrgazmali saf koʻrigi davomida elektr va gaz tarmoqlarida yuzaga kelishi mumkin boʻlgan nosozliklarni bartaraf etish, issiqlik va ichimlik suvi taʼminotidagi uzilishlarga zudlik bilan javob qaytarish boʻyicha mavjud zahira vositalar hamda xodimlarning harakatlari ishtirokchilarga ko‘rsatib berildi.
Mutaxassislarning taʼkidlashicha, mazkur tadbirlar aholining xavfsizligi, shuningdek ijtimoiy soha obyektlarining uzluksiz faoliyatini taʼminlashda muhim oʻrin tutadi.