Farg‘ona tumanida “Yashil makon” loyihasi doirasidagi ishlar nazorat qilindi
2025-10-03 17:15:00 / Yangiliklar
Farg‘ona tumani prokuraturasi tomonidan Farg‘ona tumani hokimligi hamda tuman Ekologiya va atrof-muhitni muhofaza qilish bo‘limi bilan hamkorlikda “Yashil makon” loyihasi doirasida amalga oshirilayotgan ishlar o‘rganildi.
Nazorat tadbirlari davomida loyiha doirasida olib borilayotgan ko‘chat ekish, yashil hududlarni kengaytirish, ularni parvarish qilish, shuningdek, atrof-muhitni muhofaza qilish bo‘yicha amalga oshirilayotgan chora-tadbirlarning ijrosi ko‘zdan kechirildi.
Mazkur tashabbus nafaqat ekologik barqarorlikni ta’minlash, balki aholining yashash sharoitini yaxshilash, obodonlashtirish ishlarini jadallashtirish va hududda sog‘lom ekologik muhit yaratishga xizmat qilishi ta’kidlandi.