Farg‘ona tumanida “Jasorat sinfi” o‘quvchilari tantanali va’da berdi
2025-09-25 17:00:00 / Yangiliklar
O‘zbekiston Respublikasi Mudofaa vazirligi hamda Maktabgacha va maktab ta’limi vazirligining 2025-yil 30-iyundagi “Jasorat maktablariga o‘quvchilarni qabul qilish va o‘quv-tarbiyaviy jarayonni tashkil etish tartibi to‘g‘risidagi nizomni tasdiqlash haqida”gi qaroriga muvofiq, Farg‘ona tumanidagi 19-umumiy o‘rta ta’lim maktabida “Jasorat sinfi” tashkil etilgan.
Bugun tumandagi Xotira xiyobonida mazkur sinf o‘quvchilarining tantanali va’da berish marosimi bo‘lib o‘tdi. Marosimda yoshlar Vatan va xalq oldidagi sadoqatini, yurt ravnaqi yo‘lida fidoyilik bilan xizmat qilishga tayyor ekanliklarini namoyon etdilar.
“Jasorat sinfi” o‘quvchilari uchun bu marosim — nafaqat yuksak mas’uliyat, balki ulkan ishonch ifodasidir. Sinf faoliyati yoshlarni Vatanparvarlik, intizom, mas’uliyat va sadoqat ruhida tarbiyalash, kelajakda mard va fidoyi avlodni shakllantirish yo‘lida muhim qadamlardan biri hisoblanadi.