Fargʻona tumanida kambagʻallikni qisqartirish va ta’limdagi qamrovni oshirish bo‘yicha tizimli ishlar yoʻlga qoʻyildi
2025-09-25 12:05:00 / Yangiliklar
Oʻzbekiston Respublikasi Prezidentining 2024-yil 23-sentyabrdagi 330-sonli Qarori — “Kambagʻallikdan farovonlik sari” dasturini amalga oshirish bo‘yicha birinchi navbatdagi chora-tadbirlar to‘g‘risidagi qaror ijrosi doirasida Fargʻona tumanida amaliy ishlar olib borilmoqda.
Bugungi kunda tuman Maktabgacha va maktab ta’limi bo‘limi tasarrufidagi ta’lim muassasalarida ta’lim olayotgan, “Kambag‘al oilalar reestri”ga kiritilgan oilalar farzandlarini “Kelajak.uzedu.uz” platformasi orqali turli to‘garaklarga jalb qilish tizimi yo‘lga qo‘yildi.
Shuningdek, bo‘lim hamkor tashkilotlar bilan birgalikda maktablarda va o‘quv markazlarida ijtimoiy himoyaga muhtoj bolalarni turli yo‘nalishlardagi to‘garaklarga keng qamrab olish, ularning qiziqishlarini rivojlantirish va kelajak kasb-hunariga yo‘naltirish bo‘yicha tizimli chora-tadbirlar amalga oshirilmoqda.
Mazkur tashabbus yoshlarning bo‘sh vaqtini mazmunli o‘tkazishga, ularni ijodkorlik, sport va ilm-fan yo‘nalishlarida rivojlantirishga, eng asosiysi esa ijtimoiy tenglik va farovonlikni ta’minlashga xizmat qilmoqda.