Farg‘ona tumani hokimligi

So‘nggi kunlarda ijtimoiy tarmoqlarda Farg‘ona tumaniga qarashli Yordon qishlog‘idagi gaz quvurlari demontaj qilinayotgani haqida xabarlar tarqaldi. Mazkur masalaga oydinlik kiritish maqsadida quyidagilarni rasmiy ravishda ma’lum qilamiz:

Bugungi kunda mazkur qishloqlar to‘liq suyultirilgan gazga moslashtirilgan bo‘lib, 30–35 kun oralig‘ida barqaror ta’minlab kelinmoqda. Ushbu tizimga moslashtirilgan xonadonlar soni 1469 tani tashkil qiladi.

2025-yilgi rejaga asosan, foydalanishda bo‘lmagan gaz quvurlarining 10,7 km qismi demontaj qilinishi ko‘zda tutilgan va mazkur loyiha Farg‘ona tumani hokimi tomonidan tasdiqlangan. Ushbu tartib asosida ayni vaqtda “Farg`onatumangaz” gaz ta’minoti bo‘limi xodimlari tomonidan Yordon qishlog‘iga tortilgan d-159 mmli gaz quvurining 1000 p/m qismi demontaj qilinmoqda.

Demontaj qilinayotgan gaz quvurlari tuman hududidagi  yer osti gaz tarmoqlarini ta’mirlash va yangilashda foydalaniladi. Barcha ishlar “Hududgaz Farg‘ona” gaz ta’minoti filiali bilan kelishilgan holda amalga oshirilmoqda.