Internet tarmoqlarida Farg‘ona tumani “Shohimardon” MFYdagi fuqaroga tegishli turar-joyning hujjatlari bekor qilinib yuborilayotgani bayon etilgan xabarlar tarqaldi.
2025-08-26 09:30:00 / Rasmiy munosabatlar
Kadastr agentligi Farg‘ona viloyati boshqarmasi quyidagilarni ma’lum qiladi:
Farg‘ona tumani “Shohimardon” MFY Porsin ko‘chasi 80-uy marhum H.H. ga tegishli bo‘lib, Farg‘ona tumani hokimining 2020-yil 30-maydagi qarori asosida ko‘chmas mulk obyektiga mulk huquqi e’tirof etilgan. Kadastr hujjatlari rasmiylashtirilgan.
Murojaatda ta’kidlanganidek, marhum H.H ga tegishli bo‘lgan “Shohimardon” MFY Porsin ko‘chasi 80-uy uning o‘g‘li I.H nomiga to‘liq notarial tartibda o‘tkazilmagani ma’lum bo‘ldi.
Egalik huquqini bekor qilish masalasi bo‘yicha kadastr idoralari sudlarga da’vo ariza kiritilmaganligini hamda ushbu uy-joy yuzasidan bo‘lib o‘tayotgan sud jarayoniga kadastr idoralarining aloqasi yo‘qligini ma’lum qilamiz.