Farg‘ona tumanida Xitoylik investorlar bilan hamkorlik masalalari muhokama qilindi
2025-09-23 22:05:00 / Yangiliklar
Mamlakatimizda xorijiy sarmoyadorlar uchun qulay investitsiya muhiti yaratish, xalqaro hamkorlikni kengaytirish va hududlarning iqtisodiy salohiyatini oshirishga qaratilgan keng ko‘lamli islohotlar izchil davom ettirilmoqda. Shu maqsadda joylarda xorijiy investorlar bilan o‘zaro muloqotlar yo‘lga qo‘yilib, istiqbolli loyihalar muhokama qilinmoqda.
Farg‘ona tumani hokimligi binosida bo‘lib o‘tgan navbatdagi uchrashuvda tuman hokimining birinchi o‘rinbosari Otabek Abduraximov hamda hokim o‘rinbosari Akbarjon Axrorov Xitoy Xalq Respublikasidan tashrif buyurgan investorlar — Wen Yuan, Su Guojjun, Guo Juawei, Wen Jie va Yilihamu Niyazi bilan uchrashdilar.
Suhbat davomida tuman hududida ko‘mir ishlab chiqarishni rivojlantirish, logistika sohasini yo‘lga qo‘yish, chesnok va qalampir mahsulotlarini yetishtirish hamda ularni chet davlatlarga eksport qilish, shuningdek, qurilish sohasiga oid istiqbolli tashabbuslar atroflicha muhokama qilindi.