Farg‘ona tumani sportchisi Jahon chempionati sovrindoriga aylandi
2025-09-22 18:15:00 / Yangiliklar
2025-yil 10–20-sentabr kunlari sportning "Muay tay" turidan Birlashgan Arab Amirliklarining Abu Dabi shahrida Jahon chempionati bo‘lib o‘tdi. Mazkur nufuzli musobaqada dunyoning turli davlatlaridan eng kuchli sportchilar ishtirok etishdi.
Musobaqada Farg‘ona tumani 24-maktab o‘quvchisi, 2-son Sport maktabining Bo‘stonobod MFYda joylashgan muay tay bo‘limi shug‘ullanuvchisi To‘xtaraliyev Izzatulla munosib ishtirok etib, faxrli 3-o‘rinni qo‘lga kiritdi.
Yosh sportchining ushbu yutug‘i nafaqat Farg‘ona tumani, balki butun mamlakatimiz sport sharafini yuksaltirishda muhim ahamiyat kasb etdi.
Bu g‘alaba ustoz-murabbiylarning fidokorona mehnati, tinimsiz mashg‘ulotlar va yurtimiz sport sohasida olib borilayotgan izchil islohotlarning amaliy samarasidir.
Jahon chempionatidagi mazkur muvaffaqiyat O‘zbekiston yoshlari xalqaro sport maydonlarida o‘z iqtidor va mahoratlarini yana bir bor yorqin namoyon etayotganidan dalolat beradi.