“Eng namunali xotin-qizlar faoli” tanlovining tuman bosqichi yakunlandi
2025-09-14 13:00:00 / Yangiliklar
Oʻzbekiston Respublikasi Oila va xotin-qizlar qoʻmitasining 2025-yil ikkinchi yarim yillik ish rejasining 71-bandi hamda Qoʻmitaning 2025-yil 2-sentabrdagi topshirigʻiga muvofiq, Fargʻona tumani Oila va xotin-qizlar boʻlimi tomonidan tumandagi 71 ta mahallada faoliyat olib borayotgan xotin-qizlar faollari oʻrtasida “Eng namunali xotin-qizlar faoli” tanlovining tuman bosqichi oʻtkazildi.
Tadbir davomida ishtirokchilarning faoliyati 9 ta mezon asosida atroflicha baholab chiqildi. Yakuniy natijalarga koʻra, “Xonqiz” mahallasi xotin-qizlar faoli – 1-oʻrin, “Margʻilon” mahallasi xotin-qizlar faoli – 2-oʻrin, “Yoyilma” mahallasi xotin-qizlar faoli – 3-oʻrinni egallab, gʻolib deb topildilar.
Gʻoliblar Fargʻona tumani hokimligi hamda tuman Oila va xotin-qizlar boʻlimi tomonidan diplom va qimmatbaho esdalik sovgʻalari bilan taqdirlandilar.