“Milliy qadriyatlar – qadrlangan yurt” shiori ostida dars tashkil etildi
2025-09-13 16:05:00 / Yangiliklar
Fargʻona viloyati Fargʻona tumani 6-sonli umumiy oʻrta taʼlim maktabida “Milliy kun” munosabati bilan ma’naviy-ma’rifiy tadbirlar davom etmoqda. Shu doirada 8-“A” sinf o‘quvchilari ishtirokida “Milliy qadriyatlar – qadrlangan yurt” shiori ostida dars mashg‘uloti tashkil qilindi.
Dars jarayonida o‘quvchilarga milliy qadriyatlarimizning mazmun-mohiyati, xalqimizning asrlar davomida shakllangan urf-odat va an’analari haqida batafsil tushunchalar berildi.
Shuningdek, qadriyatlarning yoshlar tarbiyasidagi ahamiyati, ularni asrab-avaylash va kelajak avlodga yetkazish zarurligi ta’kidlandi.
Mashg‘ulot davomida o‘quvchilar qalbida vatanga muhabbat, milliy qadriyatlarga hurmat, vatanparvarlik ruhi singdirildi. Ularning faol ishtiroki darsni yanada mazmunli va qiziqarli bo‘lishini ta’minladi.
Bunday darslar o‘quvchilarning milliy o‘zlikni anglashida, ajdodlar merosiga sadoqatli bo‘lib ulg‘ayishida muhim o‘rin tutadi.